Молитовне правило за мир в Україні (+ текст молитви)

Враховуючи поточну ситуацію в Україні, митрополит Вінницький і Барський Варсонофій благословив виконувати наступне молитовне правило:

Щодня о 21:30 читати молитву за мир в Україні з 12 земними поклонами. Духовенству рекомендувати дане молитовне правило для виконання парафіянам.

МОЛИТВА

Владыко Вседержителю, Господи Иисусе Христе Боже наш, призри милостивно с высоты человеколюбия Твоего на вопль и стенание народа украинского, в скорби сущаго. 

Вемы Господи, яко грехми и беззаконии нашими прогневаша Твою благость, но умилосердися и помилуй нас; не отврати Лица Твоего от нас в смятении и печали сущих. Даруй нам всесильную благодать Твою: власти умудри, воинство наше мужеством укрепи, споспешствуй им во всем благопотребном, лишенныя крова введи в домы, плененныя избави, недугующия исцели, отчаянныя утеши, на поле брани жизнь свою положивших милости Твоей сподоби и вся люди Твоя сохрани от врага и супостата. 

Молимся Тебе, Боже наш, да будут уши Твои внемлюще гласу моления нашего, не отврати Лица Твоего от воздыханий наших и не остави Отечество наше Православное. Подаждь, Господи, вожделенный мир и спасение всем на Тя уповающим и призывающим Имя Твое, молитвами Преблагословенныя Матери Твоея и Владычицы нашея Богородицы, святого крестителя и просветителя нашего великого и равноапостольного князя Владимира и всех святых земли нашея. 

Ты бо еси крепость и утверждение, помощь и победа верно на Тя уповающих и Тебе славу воссылаем со безначальным Твоим Отцем и с Пресвятым Духом, ныне и присно и во веки веков. Аминь.